Xestión de usuarios e permisos.

Creación de grupos de usuarios.

Linux e Windows son sistemas multiusuarios. Isto permite que varias persoas poidan usar o mesmo ordenador para realizar as súas tarefas.
Ambos os dous sistemas operativos xestionan a información asignando contas aos distintos usuarios.

Identificación.

Para entrar nun sistema operativo multiusuario solicítase un nome de usuario (login) e un contrasinal (password).
Unha vez introducidos estes datos, o sistema operativo permite o acceso aos recursos que se teñan autorizados dependendo do tipo de usuario.

Inicio de sesión Windows.

Tipos de usuarios.

Normalmente no sistema existe un administrador e o resto son Usuarios.
Administrador ou root. É o encargado da configuración e mantemento do sistema. Ten acceso e privilexios sobre todos os recursos.
Usuarios. É quen utiliza o sistema e ten acceso aos recursos que o administrador lle permite.
Grupo. Os usuarios asócianse en forma de grupos para facilitar certas tarefas como compartir recursos.

Xestións de contas en Windows.
As contas dos usuarios xestiónanse dende Contas de usuarios no Panel de control.

Pódese crear novas contas, modificar ou eliminar as existentes, etc.

Contas de usuarios.

Espacio de traballo.

Ao espazo de traballo dun usuario chámaselle Conta de usuario. A cada conta asígnaselle un directorio específico no disco duro onde almacena toda a información de cada usuario, os seus documentos, favoritos, personalización do escritorio, etc.

Espacio de traballo.

Adxudicación de permisos en Windows.

Para definir, ver cambiar ou quitar permisos de arquivos e carpetas en Windows.

1. Facer clic co botón dereito do rato no arquivo ou carpeta e seleccionar Propiedades.
2. Seleccionar a pestana Seguridade. Móstrase un listado de todos os grupos ou usuarios que teñen dereitos sobre o obxecto.
3. Utilizar o botón Quitar para eliminar os usuario que non terán acceso, ou ben Agregar para engadir novos usuarios.
4. Ao seleccionar un grupo ou usuarios móstranse os Permisos de usuarios de que dispoñen podendo permitirse ou denegar cada un deles.

Se na ventá Propiedades non se mostra a pestana Seguridade:

Adxudicación de permisos en Windows.

1. Facer clic en Inicio.
2. Entrar no Panel de control.
3. Seleccionar Aparencia e temas.
4. Entrar en Opcións de carpeta.
5. Na pestana Ver, desactivar a casa Utilizar uso compartido simple de arquivos, que se encontra no apartado Configuración avanzada.

Tipos de usuarios.

Nesta páxina podes encontrar máis informacion: Xestión de usuarios e permisos.